Projet de loi pour le 5 Mai
(A redazzioni d'Alta Frequenza) - U diputatu di Corsica Suprana, Sauveur Gandolfi Scheit, hà mandatu in principiu di settimana à i 576 altri diputati di l’Assemblea Naziunali una pruposta di prughjettu di legi da « intruducia una ghjurnata senza partiti u 5 di Maghju ind’u rigulamentu di i cumpetizioni naziunali di a FFF è di a LFP ». Ind’u so argumentariu, u diputatu bastiacciu stima chì « una misura cunfinata à i clubs corsi, chì s’arremba solu nant’à a voghja di l’istanzi, ùn si pò accittà è ùn basta micca. Hè ora più cà mai chì a parolla di u Statu è di l’istanzi sighi rispittata una volta pà sempri, senza risicu di mudificazioni dopu, par raghjoni marcantili o d’uppurtunità. A raprisintazioni naziunali duvaria dunqua pighjà di modu difinitivu drentu à una pulemica inutili, chì annigrisci a maghjina di u nostru ballò è tocca di manera pessima u duveri di mimoria, chì duvaria passà in primu postu ind’u nostru paesi ».
Sur le même sujet
