Propos de Marisol Touraine sur les effets de Tchernobyl en Corse: réaction de Josette Risterucci
(A redazzioni d'Alta Frequenza) - Arimani (marti) à l'Assemblea Naziunali, u diputatu di Corsica Suprana è presidenti di l'Esecutivu Paul Giacobbi hà intarrugatu u guvernu nant'à u cartulari di i cunsiquenzi di u nivulu di Tchernobyl à u nivellu di a saluta. Paul Giacobbi hà fattu rifarenza à l'inchiesta rializata da l'uspidali Galliera in Ghjenuva, ritinutu da a Cullettività Tarrituriali di Corsica, è dimustrendu a splusioni di i malatii di a tiroida di pettu à u passaghju di u nivulu radiuattivu. Ss'ultimu vulia dunqua sapè s'è u guvernu duvia crià una legi pà parmetta à i vittimi passati è à vena d'accidenti nuclearii d'uttena un'indennisazioni. A risposta di u guvernu hè intarvinuta da a voci di a ministra di l'Affari Suciali è di a Saluta, Marisol Touraine. Sicondu ella, l'inchiesta di l'uspidali ghjenuvesi, di pettu à i so dati metudulogichi, ùn parmetti micca di fà una leia di causa à effettu trà u passaghju di u nivulu è a crescita scema di i cancari di a tiroida. Parolli chì ani fattu riagiscia assai in Corsica, frà altru a presidenti di a cumissioni Tchernobyl di l'assemblea di Corsica, Josette Risterucci. Par ella, ssi parolli "pruvucatrici", dimostrani chì a "bugia di Statu" cuntinueghja nant'à ssu cartulari quì.
Ecoutez Josette Risterucci.
Sur le même sujet
