Propos du MCD sur le statut de résident : réaction de Corsica Libera
(A redazzioni d'Alta Frequenza) - Corsica Libera hà vulsutu riagiscia à i dichjarazioni di u MCD cuncirnendu u statutu di residenti (veda altrò) in un cumunicatu. "A cuntribuzioni intellettuali di u MCD dimostra chì u so solu prughjettu hè di fà vultà a Corsica appena di più in daretu, appena di più com'ella era nanzi arimani. A difesa di l'intaressu di quilli chì facini "furtuna durmendu", è di quali l'investimentu di Corsica si faci à sfavori di noi, meritaria ch'è no rinuncessimi à tutti i nostri diritti ?", dici frà altru u muvimentu. "Corsica Libera hà da cuntinuà, di manera sirena, ma cù tutta a ditarminazioni nicissaria, à difenda l'intaressi di tutti i Corsi senza sclusioni", compii quissu quì.
