Protocole d'accord Corsica Maritima-STC Marins : suspension de la ligne Bastia-Marseille
(A redazzioni d'Alta Frequenza) - Com'ellu hè statu annunziatu ssu ghjovi à sera, CM Holding (Corsica Maritima) è u STC Marinari ani signatu un protocollu d'accordu. Vali dipoi ssu 4 di marzu di u 2016 è cunfirmeghja a suspensioni di a spluttazioni di a ligna di trasportu di marcanzia trà Bastia è Marseghja, assicurata da u battellu Corsica Linea Dui. S'è i marinari CGT, blucchendu u battellu in u portu di Marseghja calchì simana fà, è u tribunali di cummerciu di a Cità fuceana cù a so dicisioni presa calchì ghjornu fà, cù par asempiu un'amenda di 150 000 auri pà ogni infrazzioni custatata, ani fiascatu, u sindicatu naziunalistu ci l'hà fatta à cunvincia à Corsica Maritima. Un primu passu impurtanti chì parmetti di pinsà à l'avvena di una manera appena più sirena.
Steti à senta à Alanu Mosconi, pà u STC Marinari.
