Quatre des cinq maires de la CAB demandent à François Tatti de démissionner
(A redazzioni d'Alta Frequenza) - Cumunicatu novu stamani ghjunghjendu da quattru di i cinqui merri di a Cumunità d'Agglumerazioni di Bastia fora di Michel Simonpietri, u merri di Furiani è vicinu à Paul Giacobbi. In fatti, Gilles Simeoni, u merri di Bastia, Michel Rossi, u merri di E Ville di Petrabugnu, Guy Armanet, u merri di Santa Maria di Lota è Jacky Padovani, u merri di San Martinu di Lota, dumandani à François Tatti di demissiunà di a presidenza di a CAB. I quattru merri spiegani chì un "disaccordu prufondu è impussibuli à parà" asisti trà François Tatti è i quattru cumuni cuncirnendu u prughjettu di bughjettu 2015 è a cuncipitura di i rilazioni trà a CAB è i cumuni chì a custituiscini. I quattru merri dumandani à François Tatti, chì ùn hà più a cunfidenza di a maghjurità d'appressu à elli, di demissiunà da fà chì ssa maghjurità pudissi prisintà un bughjettu in leia cù i so urientazioni.
