Quatre interpellations dans une affaire de racket en Haute-Corse
(A redazzioni d'Alta Frequenza) - Ssu vennari, duranti una cunfarenza di stampa, u prucuratori di a Republica di Bastia, Nicolas Bessone è i servizi d'investigazioni di a gendarmeria ani fattu sapè chì quattru parsoni erani stati arristati ind'u quadru di un affari di racket chì s'hè passatu trà maghju è aostu di u 2013. Ssi parsoni, di una cinquantina d'anni fora di una è cunnisciuti da i servizi di pulizza senza avè cartulari ghjudiziariu malgradu tuttu, par asempiu pà u ciarbellu di l'affari, ani agitu contr'à un intraprenadori di u settori di u BTP. Ssa parsona avaria campatu parechji prissioni, survighjenzi è ed hè ancu stata agressata fisicamenti. Dopu à un prima virsamentu di 1 500 auri, i malfattori supposti, chì ani da essa missi in asamini pà arrubecciu in gruppu urganizatu, ani dumandatu di fassi rimetta di manera rigulari 80 000 auri cù virsamenti misinchi in più cacciati annant'à l'attività di l'intraprenadori. Quissu quì hà dicisu, d'aostu di u 2013, d'andà à cuntà a so storia à i servizi di gendarmeria chì ani missu in ballu una prutezzioni impurtanti è mezi d'inchiesti cunsiquenti. I quattru omi negani i fatti, ancu s'è i servizi di gendarmeria dicini ch'elli t'ani provi evidenti.
Steti à senta à Nicolas Bessone, u prucuratori di a Republica di Bastia.
Sur le même sujet
