Quatre offres jugées sérieuses pour la reprise de la SNCM
(A redazzioni d'Alta Frequenza) - L’ufferti di ripresa di a SNCM posti in u tribunali di cummerciu di Marseghja sò stati prisintati arimani (marcuri) à i sindicati di a cumpagnia duranti un cumitatu d’intrapresa. S’è cinqui ufferti di ripresa è dui lettari d’intenzioni sò stati posti, i sindicati è a direzzioni di a cumpagnia cunsidareghjani solu quattru cartulari com’è serii. Si tratta di quilli purtati da l’omu d’affari francesi è tunisianu, Daniel Berrebi, da l’anzianu patronu di u portu di Marseghja, Christian Garin, da u traspurtadori corsu Patrick Rocca è da a cumpagnia di ferries grechi Attica, mentri chì l’altri sò stati qualificati com’è micca serii da l’urganisazioni sindicali inveci. U tribunali di cummerciu di Marseghja hà privistu d’asaminà l’ufferti di ripresa u 20 di marzu.
Sur le même sujet
