Quel avenir pour le mouvement Corse Social Démocrate?
(A redazzioni d'Alta Frequenza) - Alizzioni municipali 2014 - Alizzioni tarrituriali 2015! Tuttu u mondu sà chì una volta chì un'alizzioni hè passata, si pensa subbitu à quilla chì veni dopu, pà fà valè appena di più i so pusizioni pà quilli chì ani vintu è pà fà rinascia a spera pà l'altri. Ciò chì hè sicuru, hè chì in Corsica, s'hè pinsatu subbitu à l'alizzioni i più impurtanti ind'è noi, i tarrituriali. Sò numarosi à pinsà d'altrondi à un'allienza nova è una presa di l'Assemblea da un'unioni Autonomisti / Diritta prugressista è Manca prugressista. Ùn semi ancu à què di sicuru parchì parechji punti propiu impurtanti devini essa chjarificati trà tutti ssi partinarii pussibuli. Padduc, statutu di residenti, cuufficialità di a lingua corsa, fiscalità! Punti numarosi chì facini nascia parè sfarenti trà ssi trè currenti d'idei chì par avà ùn sò mancu appena pronti pà firmà un accordu di partenariatu pà un'antra alizzioni. Corse Social Démocrate, gruppu di primura si sà à l'assemblea di Corsica, hè dipoi calchì ghjornu senza patronu effettivu dipoi chì Simon Renucci hà annunziatu ch'ellu lacava a vita pulitica.
Steti à senta à Jean Baptiste Luccioni, presidenti di u gruppu.
Sur le même sujet
