Quelle est cette curieuse trace lumineuse qui a traversé le ciel corse jeudi soir ?
(A Ridazzioni d'Alta Frequenza) - Ci hè statu una bedda manata di missaghja à nantu à i reti suciali ghjovi sera, mandati supr’à tuttu da ghjenti llu Pumonti è i circondi aiaccini. « L’aveti vista a mitiurita lampà si in u golfu d’Aiacciu ? », « Chì hè issa frisgia di lumu chì hà avvintu u celi par lampà si à mari ? »... Eccu dunqua ciò ch’iddu si pudia leghja. È i voci sò cursi, in sirintina è sinu à u lindumani, da i più dubbitosi à i più scemi... Nè burla, nè visioni cullittivà : sarà in altrù, a virità ?
L’affari hè statu vistu dinò in Sicilia è in Sardegna, è sò parichji i ghjurnala ad avè pruvatu à spiicà lu. Certi pensani dunqua à una mitiurita chì saria passata in u celi. I Sardi parlani ancu d’una trinnicata, d’una scuzzulata, com’è una razza di tarramottu. Ad avali, ùn ci hè cunfirma scintifica pà a mitiurita. Vali à dì chì u puttachju hà da curra dinò calchì ghjornu pà issi reti suciali.
