Quelle place pour l'économie sociale et solidaire en Corse ?
(A redazzioni d'Alta Frequenza) - L'ecunumia suciali è sulidaria era in dibattitu marcuri scorsu à l'Assemblea di Corsica davanti u Cunsighju Ecunomicu Suciali è Culturali di Corsica. A Camara Righjunali di l'Ecunumia Suciali è Sulidaria Corsa, a DIRECCTE, è u presidenti di a Camara Naziunali sò ghjunti à prisintà à l'eletti di u CESC a legi annant'à l'ecunumia suciali è sulidaria. Christophe Mirmand, u prifettu di Corsica è Maria Giudicelli, presidenti di l'Agenza di l'Accunciamentu Durevuli, di Pianificazioni è d'Urbanisimu di a Corsica ani animatu ssa ghjurnata. Si sà chì ssu gennaru d'ecunumia ditta suciali è sulidaria, qualificata duranti un tempu longu com'è un'alternativa entri oghji da veru in a definizioni di l'ecunumia ditta nurmali. Oghji, u mondu assuciativu si pò cunfruntà grazia à a prufiziunalisazioni di i so strutturi da veru à u marcatu è ss'affari hè particularmenti veru pà a Corsica chì l'hà datu un postu impurtanti ind'u so prughjettu di PADDUC.
Steti à senta à Maria Giudicelli.
