Questions orales à l'Assemblée de Corse : Femu A Corsica interroge sur la JIRS
(A redazzioni d'Alta Frequenza) - Nova riunioni di l'assemblea di Corsica stamani (ghjovi). Nanzi à l'impurtanti dibattitu nant'à u serviziu maritimu di a Corsica, issu dopu meziornu o dumani, l'eletti ani participatu à i tradiziunali quistioni urali à l'esecutivu. À u prugramma di quissi quì, a criazioni di una casa d'accolta spicializata pà l'autisti o ancu a prublematica di u turisimu. L'intarrugazioni di Femu A Corsica hè stata diretta. U gruppu hà pricisatu ch'ellu era andatu sempri à prò di scelti più equilibratu. L'eletti naziunalisti stimani chì a riflessioni devi trapassà "un simplici foghju di strada di a quali omu hà pussutu veda a dibbulezza". Pà ciò chì tocca à i pruposti, si tratta di "mirà i settori i menu tocchi da a crisi, rifletta à una vera pulitica di trasporti...". È i dumandi di Femu A Corsica à a cunsighjera incaricata di u turisimu, pà chjoda l'affari sò più cà chjari : n'aveti a voghja ? Ni seti capaci ? Altra tematica è altra quistioni di Femu A Corsica stavolta inghjiru à i ghjuridizzioni d'eccezzioni. Nadine Nivaggioni hà lampatu una chjama "sulenna è degna à una ghjustizia uguali pà tutti". L'eletti di u gruppu ani dumandatu cusì à Dumenicu Bucchini è à Paulu Giacobbi "di pighjà pusizioni di modu publicu, quì, nant'à i metudi è l'atti di a JIRS". È di cuntinuà chì "ancu di più cà interrugà si nant'à i raghjoni chì portani 4 omi à lacà si mora inde l'indiffarenza, fà si senta à u più altu nivellu di u Statu è di u puteri ghjudiziariu da schisà u peghju".
Écoutez Nadine Nivaggioni
Sur le même sujet
