Rachat par le groupe Casino de Monoprix : des conséquences en Corse
(A redazzioni d'Alta Frequenza) - U gruppu Casino hà avutu l'accordu di l'autorità di a cuncurrenza pà ricumprà parti di i Galerii Lafayette nentru à l'insegna Monoprix pà pudè avè ni tutti i parti. Pà tena a pluralità di a scelta di i clienti, l'autorità di a cuncurrenza ubligheghja malgradu tuttu u gruppu Casino à lascià 58 di i so magazeni in Francia metrupulitana, ch'ella sia rivindendu li o resiliendu franchizii. S'è 55 di i magazeni sò in Parighji, un altru hè in Saint Tropez è dui in Bastia. Sicondu u listinu di l'autorità di a cuncurrenza, i dui magazeni tocchi duvarani ritruvà si ind'a zona cumirciali di u carrughju di u cumandanti Bonelli, vicinu à a piazza di u marcatu, è inde quilla di u viali di a liberazioni, ind'u quartieru di Lupinu.
