Racisme anti-corse : le sentiment d'Edmond Simeoni
(A redazzioni d'Alta Frequenza) - Cridiami ch'ellu era compiu u tempu di l'analisi più o menu strampalati di l'incidenti di a fin di a partita trà Nizza è u SC Bastia, ma què era nanzi à l'emissioni di Canal + Sport, les Spécimens, chì hà trattatu u sughjettu cù a tematica dighjà più cà urientata, "si pò parlà nurmalamenti di a Corsica?", lachendu a porta aparta à parolli pessimi. Di fattu, pà certi intarvinanti di ss'emissioni, l'anzianu ghjurnalistu di TF1 Charles Villeneuve u prima, u gestu di Jean Louis Leca ùn hè mancu mancu spuntaneu ma hè statu pinsatu à l'avanza da i dirighjenti bastiacci, o li saria ancu statu prupostu da calchissia, Charles Villeneuve, chì hà insistutu annant'à u fattu ch'ellu t'hà d'appressu à ellu fonti nentru à u ministeru di l'Internu andendu fin'à dì chì l'intrenori bastiacciu è tutti i parsoni à l'inghjiru cunnoscini l'identità di ssa parsona. Parolli chì stupiscini, ma chì ùn raprisentani nulla di pettu à i parolli prununziati à a fin di u cartulari da u cronicu Geoffroy Garetier. Quissu quì, dopu avè amintatu a leia forti d'appressu à ellu trà i clubs corsi è i muvimenti naziunalisti è siparatisti, và fin'à parlà di un "prublema strutturali di razzisimu" prisenti in Corsica sicondu ellu, dicendu chì quilli chì parlani di razzisimu contr'à i corsi ùn ani nisun lizzioni à dà. Pà Edmond Simeoni, ssu razzisimu contr'à i corsi ùn hè micca veramenti un fenomenu ricenti. D'appressu à ellu, ssu razzisimu hè nutritu largamenti da a pusizioni di u Statu di pettu à ciò ch'è no pudariami chjamà a quistioni corsa.
Steti à senta à Edmond Simeoni.
Sur le même sujet
