Rapport de la commission de contrôle et d'évaluation de l'Assemblée de Corse sur les Agences et Offices de la CTC
(A redazzioni d'Alta Frequenza) - A cummissioni di cuntrollu è di valutazioni di l'Assemblea di Corsica hà prisintatu arimani (ghjovi) un raportu rilativu à u funziunamentu di l'Agenzi è Uffizii di a CTC. Un raportu prisintatu da a presidenti di issa cummisisoni, Marie Antoinette Santoni Brunelli, chì rileva parechji prublemi. In fatti, inde issi sfarenti Agenzi è Uffizii, 69 posti novi sò stati criati trà u 2008 è u 2011, nant'à i 18 autorizati, d'appressu à u raportu. Iss'ultimi ùn sò micca stati validati prima da a CTC, è sò dunqua fora di legi. In più di què, i rispunsevuli di i Stabilimenti Publichi ùn parini micca cunnoscia, à maiò parti, i pruceduri di ricrutamentu ch'elli devini rispittà, o ancu prublemi di funziunamentu è di cumunicazioni spuntani. Sempri sicondu u raportu, altri affari com'è quillu di u tempu pà trasmetta atti à u cuntrollu di legalità sò stati custatati. Saria dunqua meghju, à parè di Marie Antoinette Santoni Brunelli, chì u supportu di a CTC sighi rinfurzatu in issa materia, pà un più bonu cuntrollu di u funziunamentu di l'Agenzi è Uffizii.
Écoutez la présidente de la commission de contrôle et d’évaluation de l’Assemblée de Corse.
Sur le même sujet
