Rapport sur les OSP pour le maritime : la réaction de la CGT des marins SNCM
(A redazzioni d'Alta Frequenza) - L'Assemblea di Corsica hà dunqua dittu di sì vennari à sera à u raportu nant'à l'Ubligazioni di Serviziu Publicu pà i trasporti maritimi di a Corsica. Una maghjurità propiu rilativa postu chì solu 14 voti di a maghjurità righjunali è 8 voci di u gruppu Rassembler pour la Corse sò andati à prò di un testu chì hà da gistiscia i trasporti martimi pà i 10 anni à vena, fora di a dilegazioni di serviziu publicu. U gruppu cumunistu è i so sei voti ani ricusatu cumplettamenti u prughjettu, postu chì com'ellu l'avia fatta duranti u dibattitu nant'à a Dilegazioni di Serviziu Publicu, Michel Stefani hà fattu una vera guerra scema da avè u più pesu pussibuli nant'à u ducumentu. S'è parechji mudificazioni ditti sicundarii sò stati vutati da l'Assemblea, quilli chì erani di primura pà u gruppu cumunistu sò stati righjittati, ciò chì hà inghjinnatu un votu negativu è una riazzioni assai pessima di a CGT di a SNCM. Frédéric Alpozzo avia fattu u viaghju da Marseghja è si n'hè vultatu assai dillusu dopu à issu dibattitu.
Écoutez le secrétaire général de la CGT des marins.
