Rassemblement à Ajaccio après les attentats de Paris : présence de David Frau
(A redazzioni d'Alta Frequenza) - C'era assai mondu oghji (luni) in Corsica pà manifistà un sustegnu putenti à i vittimi di l'attentati di Parighji. In Bastia, ci sò stati dui aduniti cù parechji centunai di parsoni davanti a prifittura di Corsica Suprana è davanti a merria. Duranti ssa siconda manifistazioni, u merri Gilles Simeoni, cù i so aghjunti, hà presu a parolla, prima chì una minuta di silenziu sighi rispittata è ch'ellu risunessi l'innu naziunali. In Aiacciu, l'adunita s'hè fatta da l'internu di a prifittura fin'è u corsu Nabuliò, induva milli parsoni à pocu pressu ani vulsutu essa prisenti. Dopu à un discorsu cortu di u prifettu di Corsica è una minuta di silenziu, l'innu naziunali s'hè fattu senta quì dinò è a manifistazioni s'hè compia in u calmu è u silenziu. Pà i riazzioni, ci semi intarissati propiu à a sucità ditta civili, racugliendu u sintimu di parsunalità chì, à gradi sfarenti, a raprisentani ghjustu appuntu. David Frau hè ben cunnisciutu ind'i mezi assuciativi aiaccini. Parchì ssa prisenza pà ss'adunita ?
Eccu a so risposta.
Sur le même sujet
