Rassemblement d'Ajaccio après les attentats de Paris : réaction d'Alexis Milano
(A redazzioni d'Alta Frequenza) - Chì sarani i cunsiquenzi pà a Corsica dopu à l'attentati dramatichi chì ani impiutu di drama è di tarrori à Parighji ? S'è l'emuzioni è u dulori sò sempri prisenti, ognugnu si poni a dumanda di sapè comu i misuri novi presi da u Statu ani da avè un'influenza annant'à a vita di tutti i ghjorni. U ritornu à una vita "nurmali" si duvaria fà più in furia in Corsica cà in altrò, parchì a nostra isula, saria menu tocca da evenimenti gravi hè vera, ma chì accadini luntanu da i so spondi da un puntu di vista geugrafficu. Sicondu l'autorità, i famosi fisci "S", chì fariani nascia u fantasimu di una mansa d'aghjenti, ùn mittariani micca in risaltu in Corsica elementi furmali annant'à una radicalisazioni sicura. S'hè intesu assai arimani duranti i sfarenti manifistazioni : "semi luntanu oghji da un prublema schiettu di u mantenimentu di l'ordini è di una presa in contu da l'autorità publichi, parchì tutta a sucità hè cuncirnata". Ssa sucità civili ghjustu appuntu era prisenti ssu luni mentri ss'aduniti è s'hè vulsuta sprima.
Steti à senta à Alexis Milano par asempiu, chì era ghjuntu à purtà u missaghju di u simplici citadinu.
Sur le même sujet
