Rassemblement de soutien à Pierre Paoli devant la préfecture de Corse
(A redazzioni d'Alta Frequenza) - C'hè stata un'adunita ssu ghjovi à sera davanti a prifittura di Corsica in Aiacciu pà sustena à Pierre Paoli, membru di l'esecutivu di Corsica Libera arristatu ssu luni è trasferitu calchì ori fà in Parighji, par essaci intesu da un ghjudici contr'à u tarrurisimu. Ramintemi chì ci sò stati arristazioni in principiu di sittimana contr'à altri parsoni ind'u quadru di un'inchiesta chì purtaria annant'à attentati accaduti in u 2012. Stasera (ghjovi), militanti naziunalisti è membri di a sucità civili, aviani rispostu numarosi à a chjama di Corsica Libera è di l'Associu Sulidarità pà pudè arricà un sustegnu tutali è fraternu à Pierre Paoli. Dumandani tutti a so liberazioni subbitu subbitu, mentri chì u muvimentu indipendentistu è l'associu dinunziani una vulintà di u Statu francesi di fà divintà pessima assai a situazioni di un puntu di vista puliticu nant'à l'isula. Più tardi ind'a sirata, Pierre Paoli hè statu missu in asamini è incarceratu in Nanterre.
Steti à senta à Josepha Giacometti pà Corsica Libera.
Sur le même sujet
