Recherche d'hydrocarbures : la satisfaction de Simon Renucci
(A redazzioni d'Alta Frequenza) - Ind'un cumunicatu, Simon Renucci, diputatu di Corsica Suttana hè propiu cuntentu di sapè chì u Presidenti di a Republica appiissi presu a "bona dicisioni", di ricusà di rinnuvà u parmissu di ricerca d'idrocarburi ind'u Mediterraniu. È di pricisà, ch'ellu era statu u primu diputatu à pighjà pusizioni contr'à iss'affari, cù una quistioni scritta à u guvernu, u 25 d'uttrovi scorsu. "A prutezzioni di u Mediterraniu... hè una nicissità impurtantissima" dici Simon Renucci, chì priciseghja ch'ellu hè sempri andatu à prò di l'equilibriu trà sviluppu è prutezzioni, in quantu ch'è via maestra. U diputatu merri d'Aiacciu, si dici infini "suddisfatu chì u risicu scemu di pulluà un spaziu simuli s'aluntanessi", vultendu dinò nant'à l'accidenti di a "plate-forme" in mari di u Nordu.
Sur le même sujet
