Réforme constitutionnelle et institutionnelle : le rôle déterminant du peuple corse
(A redazzioni d'Alta Frequenza) - A Corsica pudarà apprufittà di una riforma custituziunali è istituziunali ind'i mesi à vena ? A quistioni, assai impurtanti, pighja di più in più pesu vistu chì issa pussibilità pari alluntanà si di più in più da u cantu di Parighji. A cummissioni Chaubon, chì travaghja dipoi parechji mesi nant'à un prughjettu pighjendu in contu frà altru a fiscalità, a citadinanza corsa è a cuufficialità di a lingua corsa, spera di veda u so travaghju ricumpensatu è accittatu da u populu corsu eppo da l'istanzi pulitichi naziunali i più alti. Malgradu tuttu, l'eletti di a Corsica ùn devini micca cascà ind'u pessimisimu. Hè in tutti i casi u sintimu di Ghjuvan Cristofanu Angelini, cunsighjeru tarrituriali Femu a Corsica, persuasu chì u populu corsu, grazia à una pussibuli cunsultazioni, t'avarà un rollu ditarminanti à ghjucà.
Ecoutez-le.
