Réforme constitutionnelle: quelle place pour la défense de l'Arrêté Miot ?
(A redazzioni d'Alta Frequenza) - U cullettivu di a sucità civili pà a difesa di l'Arrestu Miot voli arricurdà si, torna una volta, di tutti quilli chì, quì com'è in altrò, ani da entra ind'u prucedimentu dittu di i riunioni pà a riforma custituziunali. Rammintemi chì u cullettivu hà datu calchì settimana fà à u ministru di i Finanzi una lista di cunclusioni rilativa à i diritti di successioni pà a Corsica è chì da tandu - è dopu à parechji visiti in Bercy - ssa lista hè stata accittata da l'amministrazioni. Dopu à u viaghju di François Hollande in Corsica, omu hà dicisu dunqua d'entra ind'una nova tappa di a discussioni - ùn si parla ancu di Matignon 2 - è u cullettivu pà a difesa di l'Arrestu Miot vularia bè sapè chì sarà u so postu nentru à ssu prucedimentu largu. Eccu a dumanda ch'è no avemi vulsutu pona à Alain Spadoni, pà u cullettivu.
Sempri annant'à ssu sughjettu quì, u ministeru di l'Ecunumia è di i Finanzi hà publicatu stamani (vennari) un cumunicatu nant'à u cullettivu di a sucità civili. Ssu raportu ammenta u travaghju rializatu da u cullettivu pà valutà i cunsiquenzi di a dicisioni di u Cunsighju custituziunali in materia di diritti di successioni in Corsica. Volta nant'à i scontri fatti parechji volti trà u cullettivu è u ministeru è prisenta ssu raportu nant'à u situ www.impots.gouv.fr
Steti à senta à Alain Spadoni.
Sur le même sujet
