Reforme de la constitution : des amendements pour Jean-Jacques Panunzi !
(A redazzioni d'Alta Frequenza) - Dibattitu nant'à a riforma istituziunali è scrizzioni di a Corsica ind'a Custituzioni : ci sò stati i primi scambii stamani (ghjovi) à l'assemblea di Corsica. Dopu à un introitu di Dumenicu Bucchini, Paul Giacobbi hà presu a parolla prima di dà la à u presidenti di a cumissioni di i cumpetenzi legislativi è rigulamentarii. Pà u presidenti di l'esecutivu, si ghjunghji oghji à a fini di "un'evuluzioni longa di i menti" ... "È ancu di a meia". Pierre Chaubon hà spiecatu pighjendu u so tempu parchì una riflessioni è una dumanda simuli. Ci voli à nutà chì pà ciò chì tocca a quistioni fundaria, è par asempiu u statutu di residenti, hè statu cacciatu è farà l'ughjettu di un dibattitu specificu. Pà u presidenti di a cumissioni, ssa mudificazioni custituziunali t'hà solu un scopu : fà chì i corsi sighini torna una volta à paru cù l'altri. Jean Jacques Panunzi hà annunziatu subbitu chì u so gruppu punaria amendamenti. Pà u presidenti di u cunsighju ghjinirali di Corsica Suttana, in fatti, i nuzioni di statutu di residenti o di cuufficialità impidiscini di vutà u raporti tali è quali. Jean Jacques Panunzi stima dinò chì certi aspetti di u raportu ùn sò micca chjari.
On l’écoute
Sur le même sujet
