Reforme de la constitution : pas un dogme mais une évidence pour Corsica Libera
(A redazzioni d'Alta Frequenza) - Dibattitu nant'à a riforma istituziunali è scrizzioni di a Corsica ind'a Custituzioni : ci sò stati i primi scambii stamani (ghjovi) à l'assemblea di Corsica. Dopu à un introitu di Dumenicu Bucchini, Paul Giacobbi hà presu a parolla prima di dà la à u presidenti di a cumissioni di i cumpetenzi legislativi è rigulamentarii. Pà u presidenti di l'esecutivu, si ghjunghji oghji à a fini di "un'evuluzioni longa di i menti" ... "È ancu di a meia". Pierre Chaubon hà spiecatu pighjendu u so tempu parchì una riflessioni è una dumanda simuli. Ci voli à nutà chì pà ciò chì tocca a quistioni fundaria, è par asempiu u statutu di residenti, hè statu cacciatu è farà l'ughjettu di un dibattitu specificu. Pà u presidenti di a cumissioni, ssa mudificazioni custituziunali t'hà solu un scopu : fà chì i corsi sighini torna una volta à paru cù l'altri. U gruppu Corsica Libera s'hè spressu cù Ghjuvan Guidu Talamoni. Ùn si tratta micca di dogmu ancu pà l'elettu naziunalistu, ma d'una simplici quistioni d'evuluzioni nicissaria, è soprattuttu di logica di pettu à a deliberazioni unanima nant'à a fiscalità. Un mezu soprattuttu di risponda à i dumandi nant'à a lingua, a fiscalità o u fundariu.
On écoute Jean-Guy Talamoni
