Réforme de la réforme des retraites : l'avis de Paul Giacomoni pour FO
(A redazzioni d'Alta Frequenza) - Riforma di a riforma di i ritirati ! Vidaremi bè di cosa si tratta esattamenti da quì à calchì settimana. Prumessa eletturali, si sà chì a riforma di i ritirati, virsioni Sarkozy, quilla chì era stata vutata ind'u cuntestu pisivu di una disunioni sindicali, sarà rituccata di modu prufondu. A prima riunioni trà Jean-Marc Ayrault è i cintrali sindicali hà dighjà parmissu di sapè ni appinuccia nant'à a visioni di u guvernu di pettu à u regimi di i ritirati è i primi misuri annunziati sò stati bè accolti. Ma i sindicati pensani ch'ellu ci vularà à andà aldilà di i soli parsoni chì ani cumminciatu à travaghjà ghjovani è di i mammi di famighji, parchì u regimi attuali devi essa ritoccu di modu prufondu. Omu s'hè prumissu di riveda si dopu à u 14 di lugliu da cuntinuà u dialogu chì ùn s'annunzia micca cusì faciuli, malgradu ciò ch'ellu si pò creda.
Écoutez Paul Giacomoni, pour Force Ouvrière.
Sur le même sujet
