Réforme des institutions : la position de Laurent Marcangeli
(A redazzioni d'Alta Frequenza) - Sissioni strasurdinaria dumani (ghjovi) è vennari à l'assemblea di Corsica, inghjiru à un raportu impurtantissimu, chì sarà prisintatu è chì inghjinnarà un votu di l'eletti di l'emiciculu : quillu nant'à u prughjettu di riforma istituziunali. Ssu cartulari, rializatu è affinatu duranti longhi mesi da i membri di a Cumissioni di i cumpetenzi legislativi è rigulamentarii di l'assemblea di Corsica, batti à prò di a scrizzioni di l'isula ind'a Custituzioni francesi, pà uttena puteri in più. Un sughjettu chì, malgradu a voglia forti di a maghjurità di crià un accunsentu largu, ùn adunisci micca tuttu i puliticanti isulani, a parti a più cunservatrici fendu cunnoscia parechji volti a so uppusizioni putenti à sta riforma. Laurent Marcangeli, chì avia accoltu oghji Françoise Grossetête, a diputata aurupea UMP, hà vulsutu dà u so parè. Ancu s'ellu ùn intarveni micca direttamenti nentru à ssu dibattitu, u diputatu d'Aiacciu 1, hà dittu chì a so famighja pulitica hè piuttostu favurevuli à a mudificazioni di l'articulu 72 di a Custituzioni, ma solu l'articulu 72.
Ecoutez Laurent Marcangeli.
