Réforme du collège : les enseignants vent debout contre la ministre de l'Education nationale
(A redazzioni d'Alta Frequenza) - A riforma di i culleghji, vulsuta da a ministra di l'Educazioni naziunali Najat Valaud-Belkacem, faci nascia una vera scuntintezza putenti ind'è l'insignanti. Ani vulsutu fà sapè ss'affari quì cù forza stamani (marti) duranti un muvimentu di greva naziunali purtatu da l'intersindicali SNES-FSU, SNEP-FSU, SNUEP-FSU, SNALC è CGT Educ’Action. Un'adunita hè stata urganizata d'altrondi davanti u Retturatu di Corsica in Aiacciu, induva una dilegazioni hè stata ricivuta da u rettori Michel Barat. Pà i sindicati, ssa riforma hà da cuntribuiscia à fà crescia l’inugualità suciali è tarrituriali. Farà impeghjuriscia i cundizioni di travaghju di l’insignanti senza migliurà i pussibilità di riescita di i culleghjenti. Grevisti chì dicini "INNÒ" à a ministra dunqua, è chì volini una riforma chì trasfurmessi u culleghju in veru arnesi pà a riescita di tutti i sculari. D'appressu à l'intersindicali, ssa riforma hè ricusata da più d'80% di l'insignanti di u culleghju, chì temini u soprapiù d'autunumia pà i stabilimenti è a riforma di l'insignamentu di i lingui.
Steti à senta à Lucien Barbolosi, u presidenti accademicu di u SNALC in Corsica.
Sur le même sujet
