Réforme fiscale territoriale en faveur de la Corse : la philosophie du projet
(A redazzioni d'Alta Frequenza) - Hè una vera riforma fiscali tarrituriali à prò di a Corsica : eccu l’analisi d’Antoine Orsini dopu à u votu in fin di sittimana scorsa di u prughjettu di riforma fiscali. Pricisemi chì ssu prughjettu sarà prupostu à u guvernu è divintarà unu di l’elementi essenziali di un prughjettu di riforma più glubali pà a Corsica. À l’ora chì i mezi di u Statu calani senza piantà, è a situazioni ùn duvaria micca cambià, ssu prughjettu t’hà pà scopu di fà crescia i risorzi fiscali è finanziari di a CTC, è s’ella ùn era micca fatta rindaria qualsiasi altru prughjettu di riforma impussibuli. Ùn c’hè micca statu votu finali pà ssu cartulari parchì, à a dumanda di certi gruppi, hè statu vutatu articulu à articulu. Certi gruppi n’ani aduttatu certi, è ricusatu altri. U gruppu Communistes et Citoyens du Front de Gauche hè statu u solu ad upponasi à tuttu u ducumentu. Senza entra inde ditagli di sciffri fastidiosi, si pò dì chì u prughjettu hè statu aduttatu assai largamenti da l’Assemblea di Corsica. Antoine Orsini chì hà purtatu ssu prughjettu pà l’Esecutivu di Corsica ci ni dà a filusufia, è ci prisenta à l’ingrossu u so cuntinutu.
U stemi à senta.
