Réforme institutionnelle: la LDH Corse tient à s'intégrer totalement dans le débat
(A redazzioni d'Alta Frequenza) - A Lega di i Diritti di l'Omi, dopu à un scontru cù u prifettu di Corsica, hà vulsutu fà cunnoscia a so analisi nant'à a situazioni in Corsica. Una cumunicazioni in trè parti parchì si pò scopra un latu "Inchietudini", un antru nant'à a "Rivolta" è un terzu infini nant'à "a spera". A prima parti hè custituita da inchietudini nant'à a cullata di a strema diritta è di a criminalità è a siconda quilla di i drami di l'imigrazioni, ci vultaremi. Pà u terzu latu, a LDH hè propiu in leia cù l'attualità essendu quantunqua suddisfata da l'ultimi dichjarazioni di Marylise Lebranchu, a ministra di a dicintralisazioni. Si voli integrà daveru ind'u novu dibattitu maiò chì s'apra nant'à l'avvena di a Corsica è què à tutti i nivelli.
Steti à senta à André Paccou, dilegatu righjunali di a LDH.
