Réforme territoriale Chaubon : volée de bois vert du conseil général de Corse-du-Sud
(A redazzioni d'Alta Frequenza) - U cunsighju generali di Corsica Suttana s'hè adunitu stamani (luni) in seenza straurdinaria par asaminà un sughjettu assai impurtanti : l'urganisazioni tarrituriali nova di a Corsica. Ramintemi chì quissa quì, purtata da u cumitatu strategicu di l'istituzioni sarà dibattuta ghjovi è vennari à l'Assemblea di Corsica. U cunsighju generali suttanacciu, ùn hè micca una surpresa, è mentri ch'ella c'era davanti a so intrata una manifistazioni di i parsunali, hà fattu falà i cutrati contr'à u prughjettu appruntatu da Pierre Chaubon. Jean Jacques Panunzi, com'ellu l'avia dighjà fatta à l'Assemblea di Corsica è dipoi un pezzu, hà prisintatu tutti i critichi ch'ellu pò fà à una riforma simuli. Hà ancu parlatu di spiritu amatori è di nisun appruntera, chì ani direttu d'appressu à ellu ss'elaburazioni. A muzioni di ricusu di ssa riforma posta da u presidenti Panunzi hè stata aduttata da i dodeci eletti di diritta è righjittata da i dui eletti naziunalisti.
Steti à senta à Jean Jacques Panunzi, u presidenti di u Cunsighju Generali di Corsica Suttana.
Sur le même sujet
