Réforme territoriale : inquiétude des personnels
(A redazzioni d'Alta Frequenza) - U cunsighju generali di Corsica Suttana s'hè adunitu stamani (luni) in seenza straurdinaria par asaminà un sughjettu assai impurtanti : l'urganisazioni tarrituriali nova di a Corsica. Ramintemi chì quissa quì, purtata da u cumitatu strategicu di l'istituzioni sarà dibattuta ghjovi è vennari à l'Assemblea di Corsica. U cunsighju generali suttanacciu, ùn hè micca una surpresa, è mentri ch'ella c'era davanti a so intrata una manifistazioni di i parsunali, hà fattu falà i cutrati contr'à u prughjettu appruntatu da Pierre Chaubon. A muzioni di ricusu di ssa riforma posta da u presidenti Panunzi hè stata aduttata da i dodeci eletti di diritta è righjittata da i dui eletti naziunalisti. A diciaimi più sopra, ssa riunioni di u cunsighju generali s'hè passata cù a prisenza, davanti à u purtò di l'istituzioni, di una mansa di parsunali inchieti. Raprisintati soprattuttu da a CFDT, erani ghjunti pà sustena i cunsighjeri generali ind'u so ricusu di lanciassi senza rifletta ind'una riforma chì inchieta.
Steti à senta à Jean Thomas Poletti, pà a CFDT.
Sur le même sujet
