Réforme territoriale: Jean-Jacques Panunzi : "Après le tripatouillage, le bricolage"
(A redazzioni d'Alta Frequenza) - « Réforme territoriale : après le tripatouillage, le bricolage » dici u presidenti di u Cunsighju Ghjinirali di Corsica Suttana, chì dà torna u so parè annant'à a disparizioni prugrammata di i dipartimenti da quì à u 2020. Pà Jean Jacques Panunzi ss'annunziu hè "stunanti". "Ùn ci vecu nisun riposta adattata à i tarritorii rurali è à i nostri citadini chì aspettani oghji misuri cuncreti è efficaci à prò di u puteri di cumprà è di l'impiecu. Inveci di rinfurzà l'azzioni publica, di primura pà ssi tempi di crisa, ssu prughjettu cuntribuisci à sciappà ciò chì viaghja è à distabilizà u dipartimentu è i so agenti chì sò in cori à u serviziu publicu lucali" dici u presidenti Panunzi. In fatti pà ss'ultimu "com'è pà u modu d'alizzioni dipartimintali è i so binomi imprubabili, a tattica t'hà quì a suprana annant'à a strategia". "Vulendu fà ni un mumentu forti di u so mandatu, u presidenti di a Republica cerca in fatti a martingala pà u 2017" compii u presidenti suttanacciu.
Sur le même sujet
