Réforme territoriale : l'analyse d'Edmond Simeoni
(A redazzioni d'Alta Frequenza) - U presidenti di a Republica François Hollande hà fattu cunnoscia ind'una tribuna u so prughjettu di riforma tarrituriali, cù par asempiu u passaghju da 22 à 14 rughjoni è a suppressioni di i cunsighji ghjinirali da quì à u 2020. Un altru pianu di l'urganisazioni amministrativa hè cuncirnatu dinò da ss'evuluzioni, quillu di l'intercumunalità è di i cumunità di cumuni. Fora di una crescita di a limita di custituzioni da 5 000 à 20 000 abitanti, fora di i lochi di muntagna o cù poca ghjenti, ciò chì prumetti eccezzioni numarosi in Corsica, l'intercumunalità ani da riguarà una parti di i cumpetenzi ch'elli t'aviani fin'è tandu i cunsighji ghjinirali, ind'u suciali par asempiu. Edmond Simeoni, usservatori di prima trinca di a vita pulitica isulana hà riagitu à ss'attualità. Si tratta par ellu di un'azzioni fatta à l'infuria da un guvernu in difficultà. Quissu quì pensa inveci ch'ella hè un'uccasioni pà l'eletti corsi d'intruducia in ssu cartulari evuluzioni rilativi à a Corsica, par asempiu, annant'à u statutu di residenti, a fiscalità o a cuufficialità di a lingua corsa, una revisioni di a Custituzioni essendu nicissaria pà ssa riforma.
Steti à senta à Edmond Simeoni.
Sur le même sujet
