Réforme territoriale : la gauche républicaine dénonce de la précipitation
(A redazzioni d'Alta Frequenza) - Ssu marcuri, Jean Zuccarelli è Marie Paule Houdemer à nomu di u gruppu Gauche Républicaine à l'Assemblea di Corsica ani urganizatu una cunfarenza di stampa mentri chì u cartulari sarà studiatu ssu ghjovi in sissioni di l'Assemblea di Corsica. È ss'ultimi sò stati chjari : u cartulari hè trattatu troppu in urghjenza, fin'à sminticanni i veri priurità di a Corsica d'appressu à elli, vali à dì l'impiegu è u puteri di cumprà par asempiu. Hè par quissa chì u gruppu prupunarà un amendamentu pà pudè rimandà l'asamini di a riforma tarrituriali. Par elli, quissa quì duvaria essa in leia cù u calendariu naziunali pà pudè avè di più tempu pà ditarminà chì sarà l'uzzioni a più bona o in tutti i casi rimandalla dopu à i dipartimintali, u gruppu manca republicana ùn essendu micca uppostu à una simplificazioni amministrativa di a Corsica. Ma temini una ricintralisazioni è una riforma infini difficiuli à leghja. Pruponini un referendum, senza dumandà à u Statu à u cuntrariu di ciò ch'ellu pruponi Pierre Chaubon ind'u so raportu, è una prima di 25% di i posti pà a lista chì vinciaria i tarrituriali una volta chì a riforma sarà validata. Una pusizioni chì pari essa in rumpitura vera cù u restu di l'esecutivu, ancu s'ellu ùn hè micca u parè di Jean Zuccarelli.
Steti à senta à Jean Zuccarelli.
Sur le même sujet
