Réhabilitation du site du Casone à Ajaccio : la nécessaire sauvegarde du patrimoine napoléonien
(A redazzioni d'Alta Frequenza) - A cità d'Aiacciu voli riabilità u so situ di u Casone, n'emi dighjà parlatu. Una prima tappa hè stata francata cù a nittera di u situ, prima à altri chì sarani validati da una cumissioni didicata. Si trattarà par asempiu di una rimissa in acqua è in lumi. Da un'antra banda, u situ sarà sarratu duranti a notti pà schisà prublemi sfarenti. A municipalità voli renda à ssu locu "una dimensioni simbolica forti". Pà a direzzioni municipali, ssu situ raprisenta "com'è i quais nabuliuniani è tutti i lochi di mimoria d'Aiacciu didicatu à Nabuliò, una risorza maiò ind'u quadru di u prughjettu glubali di valurisazioni di u patrimoniu nabuliunianu".
Steti à senta à Jean Pierre Aresu, aghjuntu à u merri dilegatu à a missa in valori di u patrimoniu nabuliunianu.
