Remaniement ministériel et rentrée scolaire prochaine en Corse : le sentiment de Michel Barat
(A redazzioni d'Alta Frequenza) - A cumpusizioni di u guvernu Valls II hè stata cumunicata marti à sera, cù trè cambiamenti impurtanti, quilli chì cuncernani i ministeri di l'Educazioni naziunali, di a Cultura è di l'Ecunumia. Ind'è u primu ministeru citatu, Benoît Hamon, chì sarà firmatu à ssu postu quì solu 4 mesi è 23 ghjorni, hè statu rimpiazzatu da quilla chì era fin'è tandu in carica di a Ghjuventù, di i Sports è di u Dirittu di i Donni, Najat Vallaud Belkacem. Hè a prima volta ind'a storia chì una donna diventa ministra di l'Educazioni naziunali in Francia. U rettori di l'Accademia di Corsica cunnosci strabè a manera di travaghjà di a ghjovana ministra chì hà travaghjatu un tempu longu à fiancu à l'anzianu ministru di l'Educazioni naziunali di u guvernu Ayrault, Vincent Peillon, chì Michel Barat voli assai bè. Una suddisfazioni dunqua pà ss'ultimu chì spera chì i specificità di a so accademia sarani ricunnisciuti torna, è chì u cantieru maiò di a rifundazioni di a scola andarà più in furia.
Steti à senta u rettori di l'Accademia di Corsica, chì parla dinò di a riintrata sculari chì veni inde l'isula, cù par asempiu a missa in ballu annant'à tuttu u tarritoriu di a famosa riforma di i ritimi sculari.
Sur le même sujet
