Rencontre avec l'Exécutif de Corse : le sentiment des marins CGT
(A redazzioni d'Alta Frequenza) - Dopu u tempu di crisa putenti in i trasporti marittimi, l'uni blucchendu l'altri, chì elli dinò bluccavani quilli altri... pari bè chì a riunioni urganizata ssu marcuri da mani à l'assemblea di Corsica avissi parmissu d'appacià a situazioni. In fatti, i dui presidenti di l'Assemblea è una parti di l'Esecutivu ani scuntratu tutti i sindicati di a MCM è di a Méridionale par ingaghjassi annant'à a strada di l'arrigulamentu. Un scambiu pusitivu hà parmissu in fattu di prisintà l'urientazioni in materia di trasporti marittimi è què da un puntu di vista puliticu è sindicali. Sittimani numarosi sarani torna nicissarii pà truvà un accordu difinitivu, ma u prucedimentu d'arrigulamentu di u prublema hè dighjà ingaghjatu. I sindicati ani ricivutu propiu bè l'invitu lampatu da l'Esecutivu di ricevali u più prestu pussibuli. Certi guaranzii pà ciò chì tocca l'avvena di u serviziu publicu di trasporti marittimi sò stati missi in risaltu, ciò chì cunveni à i sindicati.
Steti à senta à Frédéric Alpozzo, pà a CGT di i marinari.
