Rencontre avec le nouveau maire de Bastia, Pierre Savelli
(A redazzioni d'Alta Frequenza) - Bullori ssu ghjovi in Bastia, postu chì duranti un cunsighju municipali eccezziunali, Gilles Simeoni, chì hà rinunciatu à i so funzioni di merri di Bastia u ghjornu di a so alizzioni à u capu di l'esecutivu di Corsica hè rimpiazzatu ind'i so funzioni da Pierre Savelli chì era fin'è oghji aghjuntu à u merri dilegatu à l'occupazioni di u duminiu publicu di a cità, à l'animazioni è à i stradi. Hè appena a vittoria di l'outsider, postu chì Gilles Simeoni hà sceltu à Pierre Savelli di pettu à Michel Castellani, favuritu duranti un tempu longu, è Mattea Lacave, candidata dinò ella à a so successioni. U novu merri di Bastia, usteupatu di mistieru, hè un militanti chì ghjunghji da a sucità civili dopu à un ingaghjamentu puliticu cortu à u principiu di l'annati 1990 essendu par asempiu candidatu à i dipartimintali di u 1992 in u cantonu di Venacu pà u MPA. Avia dicisu d'impignassi in u 2014 à fiancu à Gilles Simeoni. Discretu, t'hà a riputazioni d'essa un travaghjadori accanitu chì conta di metta u so stintu parsunali ind'a manera di gistiscia a cità.
Steti à senta à Pierre Savelli, u novu merri di Bastia.
Sur le même sujet
