Rencontre avec le nouveau président du tribunal des Prud'hommes 2A, Gilles Trovato
(A redazzioni d'Alta Frequenza) - U tribunali di i Prud’hommes ferma l’arnesi ideali pà cunnoscia u statu di una sucità ecunomica in difficultà è l’annu 2012 cunfirmeghja bè iss’evidenza. A riintrata sulenna, a settimana scorsa, di i prud’hommes di Corsica Suttana, laca spuntà u fattu chì a situazioni ecunomica impeghjurisci è chì i previsioni pà l’annata chì principia ùn sò micca boni. Aldilà di i sciffri stessi, 418 affari ghjudicati in u 2012 contr’à 411 l’annu scorsu, hè bè a tindenza custatata chì inchieta. Ciò chì omu chjama i rumpituri cunvenziunali sò crisciuti assai, vali à dì chì i salariati ùn provani mancu più à difenda i so diritti davanti u tribunali di i prud’hommes, è l’affari à l’arringuerciu vali dinò. Gilles Trovato, di pettu à a regula di a presidenza chì cambia trà di i dui culleghji, patrunali è salariali, passa dunqua à u primu postu di l’istituzioni quist’annu. Pà contu soiu, issa tindenza à fà rumpituri cunvenziunali hè un segnu di difficultà ecunomichi maiò.
Écoutez Gilles Trovato.
Sur le même sujet
