Rencontre avec Marylise Lebranchu à Paris : le sentiment de Femu a Corsica
(A redazzioni d'Alta Frequenza) - Marylise Lebranchu, a ministra di a Dicintralisazioni, scuntrava ssu marti l'eletti di a Corsica pà una riunioni nova di travaghju annant'à a missa in ballu di a cullittività unica pà u principiu di u 2018. Si trattava di ditarminà un calendariu, ma dinò chì, in u quadru di a legi NOTRe, u guvernu duvia cumplittà a legi cù 3 urdinanzi : una istituziunali, una finanziaria è un'antra eletturali. Marylise Lebranchu hà prupostu chì dui gruppi di travaghju andendu in ssu sensu sighini criati. Pà Femu a Corsica, hè impurtanti chì l'eletti di a Corsica, è più particularmenti quilli di a Cullittività Tarrituriali, sighini assuciati di manera stretta à a cupruduzzioni di ssi famosi urdinanzi. Ghjuvan Cristofanu Angelini chì hà vulsutu andà più luntanu duranti ssi discussioni, punendu i basi di una riflessioni annant'à u dirittu di u populu corsu à un statutu d'autunumia nentru à l'Auropa. Una dialogu chì cuntinueghja a so prugressioni sicondu u presidenti di u gruppu Femu a Corsica di l'Assemblea di Corsica.
Steti à senta à Ghjuvan Cristofanu Angelini.
Sur le même sujet
