Rencontre entre élus de l'assemblée de Corse et syndicats SNCM-CMN
(A redazzioni d'Alta Frequenza) - I sindicati di i cumpagnii marittimi SNCM è CMN, fora di u STC, sò stati ricivuti arimani (ghjovi) in Aiacciu da i più alti raprisintanti di a Cullettività Tarrituriali di Corsica, Paul Giacobbi è Dominique Bucchini à u primu pianu. A situazioni finanziaria di a SNCM hè stata ammintata duranti ssa riunioni, com'è u prublema sempri cusì forti di l'azziunariatu nentru à a cumpagnia. A prublematica di l'Ubligazioni di Serviziu Publicu è dunqua di i viaghji trà a Corsica è i porti di Nizza è Tulò hè stata trattata dinò; rammintemi chì una deliberazioni di l'assemblea di Corsica di nuvembri di u 2012 ind'a materia hè stata annulata guasgi un mesi fà da u Tribunali Amministrativu di Bastia, u votu di l'eletti tarrituriali essendu statu ghjudicatu com'è micca rigulari. A CTC, chì ùn duvaria micca fà appellu di ssa dicisioni, prisintarà duranti a sissioni di l'assemblea di Corsica di dicembri novi OSP chì pudariani essa validati com'ellu ci voli stavolta.
