Rencontre entre Manuel Valls et les élus de la CTC : la réaction de Paul Giacobbi
(A redazzioni d'Alta Frequenza) - U Prugrammu eccezziunali d'investimentu hà parmissu à a Corsica di richjappà u so ritardu! Hè l'affirmazioni di Manuel Valls stamani (luni) à l'uccasioni di u so sicondu viaghju in Corsica in menu di quindici ghjorni. A terza cunvenzioni di u PEI, quilla pà u periudu 2014-2016, hè stata firmata stamani è si sà chì i dui cunvenzioni di prima ani arricatu di modu successivu ind'i finanzi di a Corsica 480 millioni d'auri eppo più di 1000 millioni d'auri. D'appressu à Manuel Valls, l'impegnu di issu prugramma hà parmissu à a Corsica di fà ricullà u so PIB da u 22u postu à u 16u è u rivinutu mezanu di i corsi hè crisciutu di 44% ind'è noi contr'à 31% in altrò. Aldilà di u PEI, u sughjettu maiò di u ghjornu hè custituitu quantunqua da u scontru trà u ministru di l'Internu è i sfarenti gruppi di l'Assemblea di Corsica. Un scontru chì s'hè bè passatu ma chì ùn hà lacatu spuntà nienti di novu. In fatti, s'hè parlatu di manera infurmali nant'à tutti i prublemi attuali di a Corsica è u dibattitu istituziunali hè statu trattatu ben intesu. Nant'à issu puntu pricisu, pocu affari novu dinò postu chì i pusizioni di Manuel Valls sò cunnsciuti, in dui parolli s'aspetta.
Réaction de Paul Giacobbi sur ce point.
