Rencontre entre producteurs corses et restaurateurs italiens : déjà des débouchés
(A redazzioni d'Alta Frequenza) - Duranti dui ghjorni, una dilegazioni di risturatori taliani è più particularmenti di i lochi di Savona era in Corsica Suprana, invitata da a Camara di Cummerciu è d'Industria cismuntinca pà pudè scuntrà parechji pruduttori, picculi è maiò, di l'agroalimentariu. Casgiu, carri purcina, biscotti, vini è licori par asempiu erani prisenti è ani fattu piacè à i risturatori postu chì calchì cuntrattu hè statu cuncretizatu. Ss'uparazioni, rializata ind'u quadru di u prugramma trasfruntalieru trà a Corsica è l'Italia, hà parmissu in fatti di fà cunnoscia torna appena di più u latu unicu di i prudutti corsi. È pà i pruduttori prisenti, u bilanciu hè statu pusitivu postu chì cuntratti sò stati firmati, com’ellu hè u casu pà a biera corsa Lutina.
Steti à senta à André Paolantoni, cuntentu di ss’uparazioni.
