Renouvellement de Frédéric Hantz : le président du SC Bastia donne sa vision des choses
(A redazzioni d'Alta Frequenza) - Ssu marti, Pierre Marie Geronimi, u presidenti di u SC Bastia, è Frédéric Hantz, intrenori di u club, ani magnatu insemi pà parlà di l'avvena di ss'ultimu, in fin di cuntrattu à a fin di a staghjoni. Di ghjinnaghju, Frédéric Hantz avia prupostu d'essa prulungatu pà un annu in più cù a so squadra tennica, senza avè ricivutu risposta pusitiva. È duranti ssu ripastu, Pierre Marie Geronimi l'hà uffertu un cuntrattu di dui anni, ma cù cambiamenti ind'u so staff, vali à dì senza prulungà à Frédéric Née, unu di i so aghjunti, è u rimpiazzamentu di Didier Bouillot, priparatori fisicu. Un ripastu chì ùn s'hè micca compiu da a firmatura di un cuntrattu novu, ma ùn vali micca à dì ch'ellu si tratta di un "innò" difinitivu d'appressu à Frédéric Hantz. Pierre Marie Geronimi ùn hà micca u listessu parè malgradu tuttu, è s'è a porta ferma largamenti aparta pà l'intrenori attuali di u Sporting, tuttu hè pussibuli oramai.
Steti à senta à Pierre Marie Geronimi, u presidenti di u SC Bastia, dopu à a riunioni trà dirighjenti è sustenidori di ssu marcuri à sera à u Teatru di Furiani.
