Renouvellement des vœux aux Magnifiques Anciens : choix pleinement assumé par le maire
(A redazzioni d'Alta Frequenza) - U 18 di marzu : A Madunnuccia, a Santa Patrona d’Aiacciu. Com’è tutti l’anni, i cilibrazioni ani principiatu arimani (marti) cù a famosa prucissioni cù quist’annu a prisenza di u cardinali Mamberti. Oghji, una messa sarà cilibrata da ss’ultimu, ma dinò da u vescu di Corsica Olivier De Germay, ind’a catedrali. Ssa messa principiarà cù u rinnovu di i prigheri à i Magnifchi Anziani prununziati da u merri d’Aiacciu è a so squadra municipali. L’anziana municipalità stimava chì ssi prigheri ùn duviani micca essa u fattu di l’eletti, è chì a festa patrunali, pupulari, duvia essa spiccata di a cilibrazioni rilighjosa. Hè par quissa chì i prigheri erani rinnuvati da ghjovani. U rinnovu di ssi prigheri da l’eletti, una scelta ch’elli assumini à centu par centu u novu merri è u so cunsighju. Si tratta d’arradicà a cità ind’a so identità è di dà à l’abitanti un cimentu cumunu inghjiru à a tradizioni è i cilibrazioni. Micca pulemica, ma una ditarminazioni inde l’idea.
Steti à senta à Laurent Marcangeli.
Sur le même sujet
