Rentrée ce mardi pour les quatre députés de la Corse à l'Assemblée nationale
(A redazzioni d'Alta Frequenza) - Sarà a rintrata dumani pà i quattru diputati isulani eletti calchì ghjornu fà. Ssu marti, a seenza d’apartura di a 15esima legislatura principiarà à 3 ori cù l’alizzioni di u presidenti di l’Assemblea naziunali. Prima, l’eletti naziunalisti urganizarani una cunfarenza di stampa davanti u Palazzu Bourbon, à fiancu à militanti numarosi chì collani in Parighji ma dinò membri di l’Esecutivu. Naziunalisti chì travaghjani dinò dipoi a so alizzioni à a custituzioni d’un gruppu parlementariu, chì pudaria aduniscia raprisintanti di i tarritorii ultramarini, eculugisti è certi radicali di manca vicinu à Jean Michel Baylet. François Pupponi porta dinò i neguziati. A risposta sarà cunnisciuta dumani inde l’emiciculu nant’à ss’adunita pussibuli.
