Rentrée politique et sociale, élection sénatoriale : le sentiment de Dominique Bucchini
(A redazzioni d'Alta Frequenza) - Nicolas Alaris è Caroline Spanu raprisintarani dunqua u Fronti di Manca è u Partitu Cumunistu pà l'alizzioni senaturiali in Corsica Suttana. U candidatu, cunsighjeru municipali in Sartè è a so suppleenti, sò militanti di basa di u PCF è raprisentani dunqua pà ss'alizzioni una vulintà di rinnovu di a classa pulitica. In un "cuntestu di crisa pulitica gravi", purtarani u missaghju di una rumpitura cù l'austerità è l'esigenza di un'urientazioni glubali nova di a pulitica di u Statu di pettu à i cullittività lucali. U presidenti di l'Assemblea di Corsica vulia essa prisenti à ssa prisintazioni parchì ss'alizzioni senaturiali casca à u mumentu di riintrata assai particulari. Dominique Bucchini hà vulsutu insista annant'à u sguardu ch'ella porta oghji a manca cumunista annant'à a situazioni attuali di u paesi è què à tutti i nivelli. Dominique Bucchini hà incalcatu soprattuttu annant'à u cuntestu assai difficiuli ch'ellu campa in ssu mumentu u settori di i trasporti. Par ellu, a situazioni custatata oghji à a SNCM pudaria avè cunsiquenzi dinò annant'à i trasporti aerei, ci vultaremi.
Riintrata difficiuli, alizzioni difficiuli, steti à senta u parè di u presidenti di l'Assemblea di Corsica.
