Rentrée scolaire en douceur dans l'Académie de Corse, placée sous le signe de la réforme
(A redazzioni d'Alta Frequenza) - Era l'ora di a riintrata pà più di 48 000 sculari inde l'Accademia di Corsica ssu ghjovi da mani. Sò quist'annu in fatti più di 26 000 in u prima gradu è appena di più cà 22 000 in u sicondu gradu inde l'isula pà ssa staghjoni sculari 2015-2016, inquadrati da 4 422 prufissori è parsunali di l'insignamentu, in u publicu è in u privatu, spartuti inde 256 scoli è 47 culleghji è licei. Quandu si parla di a riintrata, si parla dinò di mudificazioni è dunqua di riformi, cù quist'annu un prugramma novu pà a scola materna, l'insignamentu murali è civicu da a scola a più chjuca fin'è a terminali, o ancu a sperimentazioni di touchpads pà l'elevi di 5ima inde cinqui stabilimenti. Riforma di i culleghji, ma dinò generalisazioni di quilla annant'à i ritimi sculari chì, dopu avè fattu assai rimori duranti a riintrata scorsa, cumencia infini à essa accittata. U rettori d'Accademia era ssu ghjovi da mani annant'à u tarrenu di sicuru, in u liceu prufiziunali di u Finuseddu in Aiacciu, prima d'andà dopu meziornu in u culleghju di Purtichju; l'emi scuntratu.
Steti à senta à Michel Barat.
Sur le même sujet
