Reprise de la SNCM : STEF jette l'éponge
(A redazzioni d'Alta Frequenza) - U gruppu STEF, pruprietariu di La Méridionale, lenta l'affari in u cartulari difficiuli di a ripresa di a SNCM. In un cumunicatu, faci sapè chì a so ufferta ùn pudarà micca essa prisintata u 14 d'uttrovi duranti l'audienza di u tribunali di Cummerciu di Marseghja. Priciseghja chì c'era in u so pianu di ripresa "cinqui cundizioni maestri com'è una annant'à l'autorisazioni di l'uparazioni da l'Autorità Francesi di a Cuncurrenza è l'altra annant'à l'emissioni da a Cumissioni Aurupea di una lettara di cunfortu pà ciò chì tocca a discuntinuità ecunomica di l'ufferta di pettu à a SNCM." "I dumandi di l'Autorità Francesi di a Cuncurrenza è di a Cumissioni Aurupea ùn parmettini micca cusì à STEF di divintà l'azziunariu di rifarenza di a futura cumpagnia didicata à l'attività Corsica è dunqua di guarantisciani l'avvena", dici quissu quì. "U pianu s'arrimbava in fatti à un impegnu forti di u gruppu STEF. L'ubligazioni chì l'era imposta di riducia u so ingaghjamentu ùn parmetti micca di crià una cumpagnia nova abbastanza putenti, in capacità di securizà a so tisuraria, i so investimenti è l'impiegu", compii STEF.
Sur le même sujet
