Réquisitions au procès d'Olivier Sauli
(A redazzioni d'Alta Frequenza) - Olivier Sauli, militanti di Corsica Libera, passava oghji (ghjovi) pà "associu di malfattori" davanti à a 17a camara di u tribunali currezziunali. Era statu arristatu u 17 di maghju di u 2010 è missu in asamini. I dumandi di u prucuratori di a republica sò cascati chì hè pocu : 3 anni di prighjò cù mandatu di dipositu dopu à a cundanna, è l'intardizzioni di vultà in Corsica duranti 5 anni. A cundanna sarà resa u 5 d'aprili. In issu mentri u cuntrollu ghjudiziariu di Olivier Sauli hè statu cacciatu, è iss'ultimu pò andà in Corsica fin'è a cundanna. Olivier Sauli era statu rimissu in libartà sottu à cuntrollu ghjudiziariu cù un'ubligazioni di residenza in Parighji l'8 di marzu di u 2011, dopu ad essa statu incarceratu duranti guasgi 9 mesi.
On écoute Maître Barbolosi, l'avocat d'Olivier Sauli
