Retard de versement des fonds destinés à la modernisation de l'hôpital de Bastia: la CGT inquiète
(A redazzioni d'Alta Frequenza) - Fà sapè chì a situazioni hè gravi, eccu ciò ch'ella hà vulsutu fà a CGT di l'uspidali di Bastia di pettu à u ritardu di virsamentu di soldi prumissi à a fin di u 2013 pà a mudernisazioni di u stabulimentu da a ministra di a Saluta di tandu, Marisol Touraine, un ritardu novu diciarani i brutti lingui ind'un cartulari chì corri dipoi più di quindeci anni. I travaghji duviani cumincià di ghijnnaghju, ma l'uspidali di Bastia ùn hà micca vistu u culori di un centimu d'auru, quissi quì essendu sempri in attesa, fora di quilli pà a certificazioni indispinsevuli di i sali d'uparazioni chì sò stati rializati grazia à suluzioni di furtuna. Aspittendu u prossimu cunsighju di survighjenza di l'uspidali, ciò chì pudaria pighjà un certu tempu postu chì quissu quì sarà rinnuvatu par via di l'ultimi municipali, i parsunali ani vulsutu insista annant'à l'urghjenza di a situazioni, parchì pà quissi quì, di più cà una mudernisazioni, si tratta guasgi di una missa à i normi di un uspidali vechju. Hè in ssu quadru quì chì un preavisu di greva hè statu postu pà u 5 di maghju chì veni à u nivellu di u bloccu uparatoriu di l'uspidali.
Steti à senta à Josette Risterucci, dilegata sindicali CGT di i parsunali di l'uspidali.
Sur le même sujet
